Dünya

Aİ “qəbuledilməz” elan etdi: İrana qarşı yeni sanksiyalar yoldadır

Avropa İttifaqı (Aİ) tərəfindən İrana qarşı yeni sanksiya qərarları qəbul edilib. Aİ Rusiyaya pilotsuz uçuş aparatlarının (PUA) təhvil verilməsinə, Yaxın Şərq və Qırmızı dəniz bölgəsindəki silahlı qrup və birləşmələrə raket və ya İHA-ların tədarükünə cavabdeh olan şəxslərə və təşkilatlara qarşı yeni sanksiyaların olacağını açıqlayıb. Sanksiyaya məruz qalanlar arasında İranın müdafiə naziri Məhəmməd Rza Aştiyani də var.

AB Şurasından verilən açıqlamada İranın Rusiyaya hərbi dəstəyi və İHA tədarükünün qəbuledilməz olduğu qeyd edilib və bu fəaliyyətlər pislənib.

İrana qarşı yeni sanksiyaları açıqlayan bəyanatda, Rusiyaya İHA təhvil verən və Yaxın Şərq və Qırmızı dəniz bölgəsindəki silahlı qrup və birləşmələrə raket və ya PUA təmin etməkdən məsul olan şəxslər və təşkilatların sanksiya siyahısına əlavə edildiyi bildirilib.

 Bəyanatda bildirilir ki, sanksiya tətbiq edilən şəxslər və təşkilatlar arasında pilotsuz uçuş aparatları üçün hissələri istehsal edən, tədarük edən və satan şirkətlər, Hatəm əl-Ənbiya Mərkəzi Qərargahı, İnqilab Keşikçiləri Hərbi Dəniz Qüvvələri və İranın müdafiə naziri Məhəmməd Rza Aştiyani var.

Ehtiyat xarakterli qərarlara uyğun olaraq, bu qurumların aktivlərinin dondurulması və onlara maliyyə və ya iqtisadi resursların verilməsinə qadağa qoyulması qərara alınıb. Bu tədbirlərə əlavə olaraq Aştiyaniyə səyahət qadağası tətbiq ediləcəyi bildirilib.

Aİ-nin İrana qarşı sanksiyaları 2011-ci ildə “insan hüquqlarının pozulması, ekspansionist nüvə enerjisi fəaliyyəti və Rusiyaya hərbi dəstək” səbəbindən qüvvəyə minib və 2025-ci il aprelin 13-dək uzadılıb. Aİ-nin sanksiya siyahısında 227 şəxs və 42 təşkilat var.

Mənbə: Ahaber

Aynur Camal

Oxşar xəbərlər

Ekvadordakı vulkan kül püskürür

Aynur Camal

Ukrayna qrivnası rekord qiymətə düşüb

İntizar Əmirova

Liviyada daşqınlardan zərər çəkmiş bölgədə 1,5 milyondan çox insan yaşayır

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu