Bugun.tv xəbər verir ki, beynəlxalq alimlər qrupu quşların heyrətamiz dərəcədə müxtəlif səslərinin arxasında dayanan ümumi akustik qanunauyğunluğu müəyyən edib. Tədqiqatın nəticələri quş nəğmələrinin necə formalaşdığını və müxtəlif növlər arasında niyə bu qədər fərqli səsləndiyini daha yaxşı anlamağa imkan yaradır.
Araşdırma zamanı dünyanın müxtəlif bölgələrində yaşayan yüzlərlə quş növünün səs yazıları təhlil edilib. Məlum olub ki, fərqli növlərə məxsus nəğmələrə baxmayaraq, onların quruluşunda ortaq akustik prinsiplər mövcuddur. Alimlər hesab edirlər ki, bu qanunauyğunluqlar quşların milyonlarla il ərzində keçdiyi təkamül prosesinin nəticəsidir.
Tədqiqat müəlliflərinin sözlərinə görə, quşların çıxardıqları səslər yalnız cütləşmə və ya təhlükə siqnalı vermək üçün deyil, həm də yaşadıqları mühitə uyğunlaşmaq məqsədilə formalaşıb. Meşə, açıq düzənlik və dağlıq ərazilərdə yaşayan növlərin səsləri ətraf mühitin xüsusiyyətlərinə uyğun olaraq fərqlənir.
Mütəxəssislər bildirirlər ki, əldə olunan nəticələr gələcəkdə quşların davranışlarının öyrənilməsi, biomüxtəlifliyin qorunması və təbiətdə səs əlaqələrinin araşdırılması istiqamətində yeni elmi tədqiqatlara töhfə verə bilər.
Mənbə: BBC