Bugun.tv xəbər verir ki, Almaniyadakı Ford Focus fabriki təchizatçıların tətili səbəbindən istehsalı dayandırıb. Belə ki, Magna Stanztechnik, Benteler, Tenneco, Rhenus LMS və Lear şirkətlərinin təqribən 500 işçisi müddətsiz tətilə qərar verib.
Qeyd edək ki, ötən ay Ford öz işçiləri ilə 2032-ci ilin sonuna qədər 1000 nəfərin məşğulluğunun saxlanılması, işdən çıxma haqqı, bonuslar və ixtisas proqramlarını əhatə edən razılığa gəlib. Indi sözgedən 6 zavodun işçiləri də belə bir müqavilənin onlarla bağlanmasını istəyirlər. Çünki təchizatçı şirkətlərdə orta yaş 50-dən yuxarıdır və burada çalışanlar alternativ iş tapa bilməyəcəklərindən qorxurlar.
Hazırda işin dayandırılması mühərriklərin, transmissiya və gövdə hissələrinin, oxların, naqil sistemlərinin çatdırılmasına təsir göstərib. Bu vəziyyətin şirkətə gündə təxminən 1,09 milyon dollara başa gəldiyi deyilir.
Zavodun işçi şurasının rəhbəri tətil başa çatdıqdan sonra istehsalı kifayət qədər tez bərpa edəcəklərini bildiriblər.