Bugun.tv xəbər verir ki, Almaniyanın şərqindəki Türingiya, Meklenburq-Ön Pommern və Brandenburq əyalətlərində məktəblərdə ifrat sağçı insidentlərin artdığı bildirilir.
Təkcə Brandenburq əyalətindəki məktəblərdə Hitler salamı vermək, kitablara svastika çəkmək, irqçi təhdidlər kimi hadisələrin sayının 100-ə çatdığı bildirilib. Türingiyada 91, Meklenburq-Ön Pommern bölgəsində isə 48 ifrat sağçının qeydə alındığı vurğulanıb.
Qeyd olunub ki, ötən tədris ilində məktəblərdə ifrat sağçı insidentlər Brandenburqda 60, Türingiyada isə 30 olub, Meklenburq-Ön Pomeraniyada isə çox aşağı göstərici müşahidə olunub.
Qeyd olunub ki, bəzi başqa ştatlar bu məsələ ilə bağlı statistika aparmır, yalnız polisin hesabatlarına əsaslanırlar.
Təhsil naziri Bettina Stark-Watzinger qəzetinə açıqlamasında, “Brandenburq əyalətindəki məktəblərdə baş verənlər həyəcan təbili çalır. Azadlıq, demokratiya, tolerantlıq və plüralizm cəmiyyətimizin, o cümlədən məktəblərin əsas dəyərləridir. Onlar hər yerdə müdafiə olunmalıdır. Hər kəs buna töhfə verməlidir”, – deyib.