Bugun.tv xəbər verir ki, bu gün ABŞ-ın Harvard universitetinin yaranmasından 387 il ötür.
1639-cu il, martın 3-də Bostonda yaradılan universitet ingilis missioneri və xeyriyyəçisi Con Harvardın şərəfinə Harvard adlandırılıb.
Hazırda Amerika və dünyanın ən məşhur universitetlərindən olan Harvardın əsası isə 1636-cı ildə qoyulub. Devizi – Həqiqət (Veritas), simvolu isə tünd qırmızı rəngdir.
Övladları olmayan Harvard 1638-ci ildə ölümündən sonra öz mülkünün yarısını (779 funt) və kitabxanasının 400 kitabını yeni yaranmış təhsil müəssisəsinə vəsiyyət edib. Sonradan bu kitabxana qitənin ikinci kütləvi kitabxanasına çevrilib.