Hadisə

Ana telefondan istifadə edən üç aylıq oğlunda nadir xərçəng forması aşkar etdi

Bugun.tv xəbər verir ki, Böyük Britaniyalı qadın telefon kamerasındakı flaşdan istifadə edərək oğlunda nadir xərçəng forması aşkar edib. Bu barədə Daily Mirror məlumat yayıb.

Kent ştatının Gillingham şəhərindən olan 40 yaşlı Sarah Hedges uşaqları üçün şam yeməyi hazırlayarkən üç aylıq oğlu Tomasın gözündə “ağ parıltı” görüb. Əvvəlcə qadın işığın sadəcə uşağın göz bəbəyindən əks olunduğuna qərar verib. Lakin narahat olmağa başlayıb. Ertəsi gün o, fərqli işıqlandırma altında oğlunun gözünün içinə baxıx.Yenidən göz bəbəyində ağ parıltı görüb. Sonra o, flaşlı telefonu ilə göz şəklini çəkməyə qərar verib. Şəkildə körpənin göz bəbəyində ağ ləkə aydın görünüb. İnternetdə aparılan axtarış nəticəsində məlum olub ki, bu qəribə simptom xərçəng əlaməti ola bilər. Sara panikaya düşüb. Dərhal terapevtlə görüş təyin edib.

Həkim Toması müayinə edib. Ona retinoblastoma diaqnozu qoyulub. Nadir növ retina xərçəngi, yalnız iki yaşa qədər uşaqlarda rast gəlinir. Xəstəliyin simptomları arasında gözlərin qıyılması, görmənin azalması, işığa reaksiyanın azalması ilə bəbəyin genişlənməsi, irisin rənginin dəyişməsi, gözün qızarması və ağrı daxildir. Retinoblastomun ən çox görülən əlaməti leykokoriyadır – göz bəbəyinin nahiyəsində anormal ağ refleks.

Diaqnozdan sonra körpə dərhal Londondakı xəstəxanaya göndərilib. Orada altı kurs kimyaterapiya kursu keçib. Vaxtında aparılan müalicə sayəsində o, xərçəngə qalib gəlib. Tam sağalıb. Saranın sözlərinə görə, Tomas indi xoşbəxt və sağlam uşaq kimi böyüyür.

Daha əvvəl bildirilmişdi ki, irlandiyalı qadına uşaqlıq başı ölçüsündə yumurtalıq şişi diaqnozu qoyulduqdan sonra uşaqlıq yolunu itirib. 26 yaşlı Sarah Nally 22 yaşından bəri menstruasiya zamanı şiddətli ağrılardan şikayətlənib.

Müxbir Qaytən Qasımzadə

Mənbə lenta.ru

Bugün TV

Oxşar xəbərlər

Avtomobil binanın bağçasına çırpıldı

İntizar Əmirova

Dənizdə tornado əmələ gəldi

Teymur Əziz

Qəzaya səbəb olan sürücü avtomobili tərk edərək qaçdı

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu