Mədəniyyət

Ankarada Xurşidbanu Natəvanın 190 illiyi keçirilib

Ankarada fəaliyyət göstərən Türk Dünyası Mədəniyyət Mərkəzində Xurşidbanu Natəvanın 190 illiyinə həsr olunmuş tədbir keçirilib.
Bugun.tv xəbər verir ki, “Azaflı” Sosial Yardım və Mədəniyyət Dərnəyinin təşkilatçılığı ilə baş tutan tədbirdə Azərbaycan və Türkiyəni təmsil edən görkəmli simalar iştirak ediblər.
Mərasimi giriş sözü ilə açan “Azaflı” Sosial Yardım və mədəniyyət Dərnəyinin sədri Arzuman Azaflı, xan qızı Natəvanın həyat və fəaliyyətindən danışaraq vurğulayıb ki, qədirbilən Azərbaycan xalqı xanım şairəmizin şəxsiyyətinə hər zaman ehtiram göstərib.
Azərbaycan Diasporuna Dəstək Fondunun icraçı direktörü Əkrəm Abdullayev, Türkiyə-Azərbaycan Dərnəkləri Federasiyasının (TADEF) sədr müavini Pərviz Məmmədzadə, Professor Teymur Rzayev və başqaları çıxışlarında şairə Xurşidbanu Natəvanın poeziya yaradıcılığından bəhs ediblər. Vurğulanıb ki, nadir yaradıcılıq üslubu ilə hər zaman poeziya həvəskarları tərəfindən sevilən Xurşidbanu Natəvanın şairləri bundan sonra da dillər əzbəri olacaqdır.
Əməkdar artisti, bəstəkar və pianoçu Turan Manafzadə geniş konsert proqramı hərarətli alqışlarla qarşılanıb.
Tədbir Azərbaycan Mədəniyyət Nazirliyinin və Azərbaycan Diasporuna Dəstək Fondunun dəstəyi ilə keçirilib.

Nigar Məmmədova

Oxşar xəbərlər

CinemaPlus-da “Napoleon” filminin premyeradan öncə nümayişi keçirildi

İntizar Əmirova

Tarixi əsər olan 3 İncil ələ keçirilib

İntizar Əmirova

Tanınmış heykəltəraş Mir Cəlal Paşayevin büstünü hazırladı

Kəmalə Sultan

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu