Apple, səs köməkçisi texnologiyası Siri-nin istifadəçilərin məxfiliyini pozduğu və 95 milyon dollar ödəməsi ilə bağlı məhkəmə iddiasını həll etməyə razılaşdı.
ABŞ-ın Kaliforniya ştatının Şimal Dairə Məhkəməsinin hakimi Ceffri Uayt tərəfindən təsdiq edilməli olan ilkin razılaşma Oklend federal məhkəməsinə təqdim edilib.
Sözügedən iş ABŞ-ın texnologiya nəhənglərindən biri olan “Apple” şirkətinə qarşı açılıb, səsli köməkçi texnologiyası “Siri”nin istəmədən aktivləşdirilə biləcəyi və istifadəçilərin yazılan danışıqlarının onların razılığı olmadan üçüncü şəxslərlə paylaşıldığı iddia edilib.
Apple ittihamları rədd etsə də, razılaşaraq 95 milyon dollar ödəyib. Müqavilə təsdiq olunarsa, Siri ilə işləyən cihazların istifadəçiləri hər cihaz üçün 20 dollara qədər ödəniş ala biləcəklər.
Sövdələşmə 17 sentyabr 2014-cü il və 31 dekabr 2024-cü il tarixləri arasında Siri ilə işləyən iPhone, iPad, Apple Watch, MacBook, iMac, HomePod, iPod touch və ya Apple TV-yə sahib olan ABŞ istifadəçilərini əhatə edəcək.
Mənbə: EnSonHaber