Bugun.tv xəbər verir ki, Apple-ın maraqla gözlənilən qulaqcığı Apple Vision Pro kütləvi istehsala başlayıb. Şirkət hələ iyun ayında keçirilən WWDC tərtibatçıları konfransında yeni məhsulunu rəsmi olaraq təqdim edib. O yalnız qulaqçıq deyil. Həm də ətraf mühitlə qarşılıqlı əlaqə baxımından indiyə qədər buraxılan ən qabaqcıl eynəklərdən biridir. Apple Vision Pro-nun qiymətinin 3500 dollara olacağı açıqlanb.
Satışa fevral ayında başlaması gözlənilir. Buna görə də, şirkət hər hansı gecikmənin baş verməməsi üşün sürətlə iş rejimində çalışır.
“Qarışıq reallıq” adlandırılan qulaqcıqların 2024-cü ilin ən diqqət çəkən və əhəmiyyətli məhsulu olacağı ilə bağlı fikirlər səslənir.
Apple-ın Vision Pro ilkin olaraq yalnız ABŞ-da, il boyu isə dünya bazarlarında satışa çıxarılacağı gözlənilir.
Bundan əlavə, bildirilir ki, “Apple” yanvar ayında işçilərin bu yeni məhsulu saxlamaq üçün hərtərəfli təlim proqramı təqdim edəcək ki, bu da işçilərin məhsulu müştərilərə ətraflı məlumat verməsini təmin edəcək.