“Ermənilərin “Arabo” batalyonunun 170-dən çox canlı qüvvəsini məhv etmiş Gəncə batalyonunun komandiri Mehman Ələkbərovun sabah anım günüdür (1957-1993). Ermənistanda bu hadisəylə bağlı 3 günlük matəm elan olunub”.
Bugun.tv -xəbər verir ki, bu barədə araşdırmaçı jurnalist Anar Tağıyev öz Facebook səhifəsində yazıb. O qeyd edib ki, qəhrəmanımız Mehman Ələkbərovun başına 6 milyon rubl pul qoyulmuşdu. Mehman Ələkbərov batalyonu ilə birgə Tərtərin, Ağdərənin, Goranboyun, Xanların kəndlərinin müdafiəsində iştirak edib. Mehman Ağdərənin 3 kəndi ilə yanaşı, Şuşa, Laçın, Füzuli bölgələrindəki döyüşlərdə də iştirak edib. Bu döyüşlərdə dəfələrlə yaralanıb. 1993-cü il iyunun 4-də, Gəncədə baş vermiş qarşıdurmanın qarşısını almaq istəyərkən həlak olub.