Son illərdə sosial mediada geniş müzakirə olunan “Arvad effekti” adlı fenomen kişilərin münasibətə daxil olduqdan sonra xarici görünüş və üslub baxımından dəyişməsini təsvir edir.
Məlumata görə, bu effektə əsasən, kişi münasibətə başladıqdan sonra geyim seçiminə daha çox diqqət yetirir, daha uyğun rənglər və daha səliqəli kombinlər seçməyə başlayır. Bu dəyişiklik çox vaxt birbaşa təzyiq nəticəsində deyil, partnyorun zövqü və birlikdə formalaşan həyat tərzi ilə tədricən yaranır.
Psixoloqların izahına görə, yaxın münasibətlərdə insanlar bir-birinə uyğunlaşır və davranış, zövq və gündəlik vərdişlərdə oxşarlıq yaranır. Nəticədə kişi özünü artıq tək fərd kimi deyil, cütlüyün bir hissəsi kimi görməyə başlayır və bu da xarici görünüşə təsir edir.
Məqalədə qeyd olunur ki, bu proses xüsusilə partnyorun dəb və estetika baxımından daha diqqətli olduğu hallarda daha qabarıq şəkildə müşahidə edilir. Belə vəziyyətlərdə kişi alış-verişdə, geyim seçimində və ümumi görünüşündə daha şüurlu davranmağa başlayır.
Məşhur simalar üzərindən verilən nümunələrə görə, münasibətdən sonra bir çox kişi ulduzun stili daha səliqəli və düşünülmüş formaya keçib. Bu dəyişikliklərə səbəb kimi partnyorun birbaşa müdaxiləsi deyil, daha çox ortaq həyat tərzi və vizual mədəniyyətin təsiri göstərilir.
Ekspertlər bildirirlər ki, bunun əksi də mümkündür. Qadınlar da münasibətdən sonra daha klassik və səliqəli üsluba keçə bilir, ayrılıqdan sonra isə daha sərbəst və eksperimentə açıq görünüşə qayıdırlar.
Nəticə olaraq, “arvad effekti” daha çox psixoloji və sosial uyğunlaşma prosesi kimi qiymətləndirilir və bu, münasibətlərin insanın özünüifadəsinə təsirinin bir nümunəsi hesab olunur.
Mənbə: mail.ru