Türkiyədə fəaliyyət göstərən azərbaycanlı iş adamları da zəlzələdən dolayı öz yardım və dəstəklərini əsirgəmirlər. Onlardan biri də Azaflı Hüquq Şirkətidir. 
Bugun.tv -yə açıqlama verən şirkətin təsisçisi və direktoru Arzuman Azaflının sözlərinə görə, artıq 3 gündür ki, xeyli sayda yorğan-döşək, qida, uşaq yeməkləri və geyim yardımı tiplanaraq, zəlzələ olan bölgələrə göndərilib. Bu yardım kampaniyası davam edir.
Bundan başqa “Azaflı Arama Kurtarma” qrupu da əlindən gələn köməkliyi göstərməyə çalışır. Artıq 20 nəfər göndərilib.
” Qrupla birlikdə çadırlar da yolladıq. Çərşənbə günü yeni yardım tırı yola düşəcək. Ankarada yaşayanlardan yenə dəstək gözləyirik”.
Arzuman Azaflı onu da qeyd etdi ki, xilasedicilər Ekbistanda iki nəfəri dağıntılar altından canlı çıxara bilib.
“Şirkətimiz tərəfindən göndərilən qrupun 2 insanı xilas etməsi bizi çox qürurlandırdı. Əməyi keçən hər kəsə təşəkkür edirəm. Qrupumuz tərəfindən xilasetmə işləri bu gün də davam etdirilir,”- deyə Arzuman Azaflı bildirib.