İsrail ordusu 10 oktyabr tarixində qüvvəyə minən atəşkəs razılaşmasına baxmayaraq Qəzza zolağına hava zərbələri və artilleriya atəşləri endirməyi davam etdirir.
Yerli mənbələrin verdiyi məlumata görə, İsrailin artilleriya bölmələri Qəzza zolağının cənubunda yerləşən Xan Yunus şəhərinin şərqində bir neçə ərazini bombalayıb. Eyni zamanda İsrail döyüş təyyarələri cənubdakı Rəfah şəhərinə hava hücumları həyata keçirib. Hücumların şəhərin qərb hissəsindəki zərbələrlə paralel aparıldığı bildirilir.
Bundan əlavə, İsrail artilleriyası Qəzza şəhərinin şərqində yerləşən Tuffah məhəlləsinin müxtəlif nöqtələrini atəşə tutub. Hərbi texnika və helikopterlərdən də əraziyə nizamsız atəş açıldığı qeyd olunur.
Məlumata görə, İsrail helikopterləri Qəzza zolağının mərkəzində yerləşən Bureyc Qaçqınlar Düşərgəsinin şərq istiqamətlərinə də təsadüfi atəşlər açıb.
Mənbə: TRT Haber