Avropa İttifaqı rəsmiləri İran ətrafında yaranan gərginliklə bağlı mühüm açıqlama verib.
Al Jazeera kanalının məlumatına görə, Aİ bu münaqişənin Avropanın müharibəsi olmadığını bəyan edib və regionda hərbi eskalasiyanın genişlənməsini istəmədiyini bildirib.
Aİ-nin xarici siyasət üzrə nümayəndəsi Kaja Kallas bildirib ki, Avropa ölkələri Hörmüz boğazında hərbi əməliyyatların genişləndirilməsinə maraqlı deyil və əsas məqsəd gərginliyin azaldılmasıdır. Onun sözlərinə görə, hazırda prioritet diplomatik yollarla vəziyyətin sabitləşdirilməsidir.
Bu mövqe ABŞ prezidenti Donald Trampın müttəfiqləri hərbi əməliyyatlara qoşulmağa çağırması fonunda səsləndirilib. Lakin Avropa ölkələrinin əksəriyyəti bu çağırışa ehtiyatla yanaşır və birbaşa hərbi iştirakdan çəkinir.
Ekspertlər hesab edir ki, Avropa ilə ABŞ arasında yanaşma fərqi NATO daxilində fikir ayrılıqlarını daha da dərinləşdirə bilər. Bu isə qlobal təhlükəsizlik arxitekturasına təsir göstərə bilər.
Mənbə: The Guardian