Avropa Məhkəməsi Avropa Komissiyasının vergi ödənişlərinin məbləğini aşağı göstərməkdə ittiham etdiyi “Amazon.com Inc” kompaniyasının tərəfini tutub.
Bugun.tv xəbər verir ki, məhkəmənin gəldiyi qənaətə görə, Avropa Komissiyası “Amazon” kompaniyasının Lüksemburqda vergiyə cəlb edilməsinə yanaşmanın ittifaq daxili bazarının tələblərinə uyğun olmayan dövlət dəstəyini aşkarlamayıb.
AZƏRTAC-ın məlumatına görə, hələ 2021-ci ildə Avropa Ümumi Ədliyyə Məhkəməsi “Amazon”un Lüksemburqa 250 milyon avro vergi ödəməli olduğu barədə Avropa Komissiyasının 2017-ci il qərarını ləğv edib. Məhkəmə Avropa tənzimləyicisinin kompaniyanın Lüksemburqdan qeyri-qanuni dəstək almasına dair sübut təqdim etmədiyini əsas gətirib. Dekabrın 14-də Avropa Məhkəməsi bu qərarı təsdiqləyib.