İsraildə aparılan bir araşdırma göstərdi ki, avropalıların 74 faizi İsraili ziyarət etmək istəmir və bu insanların yarısının yaxın 5 ildə İsrailə səfər etmək planları yoxdur.
Walla xəbər saytı xəbər verir ki, İsraildə Turizmin Gələcəyi konfransında təqdim edilən araşdırmaya görə, fransızların 74 faizi, alman və ingilislərin isə 50 faizi İsrailə səfər etməkdə maraqlı deyil.
İngiltərə, Almaniya və Fransada yaşayanların 50 faizindən çoxu yaxın 5 ildə İsrailə səfər etməyi planlaşdırmır. Fransızların 45 faizi əvvəllər İsrailə səfər edib, lakin bir daha getməyi planlaşdırmırsa, ingilislərin və almanların 42 faizi İsrailə getməkdə qətiyyən maraqlı deyil.
Araşdırmada fikirlərini soruşan avropalıların 38 faizi İsrailin onlar üçün müharibəni və Fələstin-İsrail münaqişəsini təmsil etdiyini, ən azı 85 faizi isə son 10 ildə heç vaxt İsrailə səfər etmədiklərini bildirib.
Yəhudi və Yevangelist Amerikalıların yalnız 50 faizi İsrailin onlar üçün Müqəddəs Torpağı və Qüdsü təmsil etdiyini düşünərkən, Yevangelistlərin yüzdə 70-dən çoxu və yəhudilərin yüzdə 52-si son 10 ildə İsrailə səfər etmədiklərini qeyd edib.
Araşdırmanı hazırlayan tədqiqatçılar Shahar Shilo, Ronit Nir və Avi Kornes bunun təhlükəsizliklə bağlı olduğunu və araşdırmanın nəticələrinin onları təəccübləndirmədiyini bildirib.
Nəticələr haqqında danışan İsrail Turizm Təşkilatları Bürosunun baş icraçı direktoru Yossi Fattal, “İsrailin həm imic problemi, həm də mövcudluq problemi var” deyib.
Mənbə: TrtHaber