Bugun.tv xəbər verir ki, Avstraliya rəsmiləri ölkənin qərbində çimərlikdə aşkar edilən obyektin kosmik raketin bir hissəsi ola biləcəyini bildiriblər.
Açıqlamanı Avstraliya Kosmik Agentliyi yayıb. Qərbi Avstraliya ştatının Qrin Hed şəhəri yaxınlığındakı çimərlikdə aşkar edilən naməlum obyekti müəyyən etmək üçün digər kosmik agentliklərlə birlikdə araşdırma aparılır.
Avropa Kosmik Agentliyinin mühəndisi Andrea Boyd, Hind okeanına düşən cismin peyk buraxmaq üçün istifadə edilən Hindistan raket modelinin bir hissəsi olduğunu bildirib.
Yanğınsöndürmə briqadası və Təcili Tibbi Yardım Kimya Mərkəzinin analizindən sonra obyektin zərərsiz olduğu müəyyən edilib.
Polis obyektdə işlərin davam etdiyini bildirib və əhalini ərazidən uzaq durmağa çağırıb.