Bugun.tv xəbər verir ki, Göygöldə qaçırdığı avtomobili yandıran şəxs saxlanılıb. Əməliyyat-axtarış tədbirləri nəticəsində maşın rayonun Çaylı kəndində tapılıb.
İstintaq-əməliyyat tədbirləri nəticəsində cinayəti törətməkdə şübhəli bilinən şəxs həbs edilib. O, əvvəllər məhkum olunmuş Kəlbəcər rayon sakini Qüdrət Salahovdu. Dindirilmə zamanı o cinayət əməlini sərxoş halda törətdiyini və peşiman olduğunu bildirib.
Xatırladaq ki, hadisə aprel ayının 4-də qeydə alınıb. Göygöl Rayon Polis Şöbəsinə “UAZ” markalı yük avtomobilinin qaçırılması barədə məlumat daxil olub. Polis əməkdaşlarının səyi nəticəsində cinayətin üstü açılıb.
Mənbə: DİN