Göygöldə toy karvanında avtoxuliqanlıq edən şəxs saxlanılıb.
DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov Bugun.tv-yə məlumat verib.
Göygöl Rayon Polis Şöbəsinin əməkdaşlarının araşdırmaları zamanı rayon sakini Kənan Rzayevin “HYUNDAİ” markalı avtomobil ilə toy karvanında intizamsızlıq etməsi məlum olub.
Belə ki, o yol hərəkəti qaydalarını kobud şəkildə pozaraq avtoxuliqanlıq edib və digər hərəkət iştirakçılarına təhlükə yaradıb.
Həmin şəxs saxlanılaraq barəsində protokol tərtib edilərək baxılması üçün Göygöl Rayon Məhkəməsinə göndərilib.
Məhkəmənin qərarı ilə K. Rzayev 20 sutka müddətinə inzibati qaydada həbs edilib.