Bugün.tv bildirirki, Azərbaycan Ərazilərinin Minalardan Təmizlənməsi Agentliyi (ANAMA) erməni işğalından azad edilmiş ərazilərdə minalardan təmizləmə əməliyyatlarını davam etdirir.
ANAMA-dan verilən məlumata görə, iyunun 6-dan 11-dək Tərtər, Ağdam, Füzuli, Şuşa, Qubadlı, Cəbrayıl və Zəngilan rayonlarında aparılan minalardan təmizləmə əməliyyatları zamanı 96 piyada əleyhinə və 11 tank əleyhinə mina, o cümlədən 685 partlamamış hərbi sursat (PHS) götürülərək zərərsizləşdirilib. Agentlik əlavə edib ki, nəticədə 544 hektara yaxın ərazi mina və PHS-lərdən təmizlənib.
