Bakıda “Azərbaycan kinosu – 125: reallıq, çağırışlar və hədəflər” mövzusunda forum keçirilir.
Bugun.tv-yə Mədəniyyət Nazirliyindən daxil olan məlumata əsasən, forum nazirliyin və Heydər Əliyev Mərkəzinin birgə təşkilatçılığı aprelin 20-21 tarixlərində baş tutacaq.
“Ümid edirik ki, kinoforum da maraqlı müzakirələrlə yadda qalacaq və kinomuzun inkişaf yoluna işıq salacaq” – bunu tədbiri giriş sözü ilə açan nazir vurğulayıb:
“Bu gün burada yığışmağımızın əsas məqsədi hazırda Azərbaycan kino sənətinin üzləşdiyi problemləri, eyni zamanda perspektivləri müzakirə etmək, onların həll yollarını taparaq bunun əsasında yeni inkişaf istiqamətlərini müəyyən etməkdir.
Qeyd edim ki, teatr və kino forumlarından əlavə, “Heydər Əliyev İli” çərçivəsində mədəniyyətimizin digər sahələri ilə də bağlı forumlar keçirəcəyik. Bu tədbirlərdə mütəxəssislərin irəli sürdüyü təkliflər təhlil olunaraq Mədəniyyət Nazirliyi tərəfindən hazırlanan Azərbaycan mədəniyyətinin 2040-cı ilədək inkişafı ilə bağlı strategiyada nəzərə alınacaq”.
Daha ətraflı: culture.gov.az
