Bugun.tv xəbər verir ki, Tayvanda yağan güclü yağışlar daşqınlara səbəb olub.
Bu barədə ölkənin Mərkəzi Hava Bürosu məlumat yayıb. Bildirilir ki, Tayvanın 15 şəhər və mahalında bir çox yaşayış məntəqəsini su basıb. Daşqın səbəbi ilə çoxlu sayda maşın yolda hərəkətsiz qalıb.
Tayçunq və Çanxua şəhərləri üçün səhər saatlarında güclü yağış xəbərdarlığı edilib.
Ölkənin qərbindəki Miaoli qraflığındaki Tongxiao şəhəri 215,5 millimetr yağıntıya məruz qalıb.
Tayvanın quraqlıqdan zərər çəkmiş cənub bölgələrində yağıntı olmayıb.
Şimal və mərkəzi rayonlarda yağıntıların yaxın günlərdə də davam edəcəyi bildirilir. Bununla bağlı meteorologiya rəsmiləri əhalini daşqınlara qarşı xəbərdar edib.
Mənbə: TRT haber