“Azərbaycan Brüssel formatını dəstəkləyir.” Bugün.tv xəbər verir ki, bunu Azərbaycan prezidenti İlham Əliyev Avropa İttifaqı Şurasının prezidenti Şarl Mişel ilə görüşündə deyib.
Görüşdə Ermənistan-Azərbaycan münasibətlərinin normallaşması üçün Şarl Mişelin iştirakı ilə Brüsseldə keçirilən görüşlərin əhəmiyyəti vurğulanıb. Prezident İlham Əliyev Şarl Mişele vasitəçilik missiyasına görə təşəkkür edib. Dövlət başçısı qeyd edib ki, Azərbaycan Brüssel formatını dəstəkləyir.
Şarl Mişel bununla əlaqədar Azərbaycan Prezidentinə minnətdarlığını bildirib.
Söhbət zamanı tərəflər gələn ay Brüsseldə keçirilməsi planlaşdırılan üçtərəfli görüşün gündəliyini müzakirə ediblər.