Azərbaycan İrana humanitar yardım göndərib. Yardım paketinə ərzaq məhsulları və tibbi ləvazimatlar daxildir.
Bugun.tv xəbər verir ki, bu barədə Azərbaycan Respublikasının Fövqəladə Hallar Nazirliyi məlumat yayıb.
Bildirilib ki, humanitar yardım İlham Əliyevin tapşırığı əsasında hazırlanaraq İrana göndərilib.
Məlumata görə, yardım paketinə əsas ərzaq məhsulları və tibbi vasitələr daxil edilib. Bu çərçivədə İrana 10 ton un, 6 ton düyü, 2,4 ton şəkər, 4 tondan çox içməli su, təxminən 600 kiloqram çay, həmçinin 2 tona yaxın dərman və tibbi ləvazimat göndərilib.
Qeyd olunub ki, humanitar yardım nazirliyə məxsus nəqliyyat vasitələri ilə yola salınıb və ehtiyac sahiblərinə çatdırılması üçün İrana göndərilib.
Mənbə: Ensonhaber