Bugun.tv xəbər verir ki, Azərbaycanın xarici işlər naziri Ceyhun Bayramov yaxın vaxtlarda Azərbaycan ilə Rusiya arasında bir sıra istiqamətlər üzrə birbaşa aviareyslərin bərpa ediləcəyini açıqlayıb.
Nazir bu barədə Moskvada Rusiyanın xarici işlər naziri Sergey Lavrov ilə keçirdiyi birgə mətbuat konfransında danışıb. Onun sözlərinə görə, 2024-cü ilin dekabrında AZAL-a məxsus sərnişin təyyarəsinin qəzaya uğramasından sonra tətbiq edilən məhdudiyyətlərin qüvvədə olduğu bəzi marşrutlar üzrə uçuşlar yenidən həyata keçiriləcək.
Xatırladaq ki, 2024-cü il dekabrın 25-də Azerbaijan Airlines şirkətinə məxsus Embraer 190 tipli təyyarə Bakı–Qroznı reysini yerinə yetirərkən Qazaxıstanın Aktau şəhəri yaxınlığında qəzaya uğramışdı. Təyyarədə 68 nəfər – 62 sərnişin və 5 ekipaj üzvü olub. Qəza nəticəsində 38 nəfər həyatını itirmişdi.
Rusiya Xarici İşlər Nazirliyi 2026-cı ilin aprel ayında Moskva ilə Bakı arasında həmin faciənin nəticələrinin, o cümlədən kompensasiya məsələlərinin tam tənzimləndiyini bildirmişdi.
Mənbə: mail.ru