Bugun.tv xəbər verir ki, bayram günləri qeyri-iş günü olsa da, kommunal xidmət əməkdaşları gücləndirilmiş rejimdə çalışırlar.
“Azərişıq” ASC–nin mətbuat xidmətinin rəhbəri Vaqif Aydınoğlunun sözlərinə görə, Novruz bayramı ilə əlaqədar olaraq, xüsusi gücləndirilmiş iş rejiminə keçiblər.
“Əməkdaşlarımız növbətçilik əsasında 24 saat fəaliyyətdədirlər. Bu, eyni zamanda ölkənin hər yerində çalışan qəza xidmətlərimizə də aiddir. Abonentlərə müraciət edərək bildiririk ki, işıqla bağlı qarşılaşdıqları problemə görə, 24 saat fasiləsiz fəaliyyət göstərən 199 Çağrı mərkəzi ilə əlaqə yaratsınlar. Bu, bütün ölkə üçün keçərlidir və istənilən operatorla pulsuz zəng etmək mümkündür”,- V.Aydınoğlu əlavə edib.