Bugun.tv xəbər verir ki, azərbaycanlı iş adamı, “Palmali Holding”in prezidenti Mübariz Mənsimov Türkiyəyə yardım kampaniyasında iştirak edib.
Belə ki, M.Mənsimov efirdə Hülya Avşara zəng edərək “Palmali Holding” rəhbərinin də ianələrə qoşulmaq istədiyini bildirib. Hülya Avşar ianələri qeyd edərək onları canlı efirdə səsləndirib.
Bunlar 2 milyon türk lirəsi, 200 prefabrik ev, 130 çadırdan ibarət şəhərcik, 100 evin tikilməsinə sponsorluq və 500 tələbəyə təhsil dəstəyindən ibarət olub.
Qeyd edək ki, bundan başqa, “Palmali Holding”in zəlzələdə zərərçəkənlər üçün fərdi olaraq başlatdığı yardım kampaniyasının dəyəri 25 milyon TL-ni ötüb.