Bugun.tv xəbər verir ki, Şərqi Afrika ölkələrindən biri olan Keniya və Somali bağlı sərhəd qapılarını yenidən açmağa qərar verib.
Daxili işlər naziri Kithure Kindiki Keniyanın paytaxtı Nayrobidə somalili həmkarı Məhəmməd Əhməd Şeyx ilə görüşdən sonra açıqlamalar verib.
Kindiki bildirib ki, danışıqlardan sonra iki ölkə bağlanan sərhəd qapılarının yenidən açılmasına qərar verib.
Mandera, Lamu və Garissa sərhəd qapılarını 90 gün ərzində açmağı planlaşdırdıqlarını ifadə edən Kindiki, iki ölkə arasında əlaqələri inkişaf etdirməyi hədəflədiklərini vurğulayıb.
Kindiki, “İki ölkənin sərhəd icmalarının çox ortaq cəhətləri var. Sərhəd keçidlərində əlaqəni artırmalıyıq. 30 gün sonra Manderada, 60 gündə isə Lamuda ilk sərhəd qapısı açılacaq” deyib.
İki ölkə sərhəd qapılarını açaraq vətəndaşlarının dövriyyəsini asanlaşdırmağı, mal və xidmət ticarətini inkişaf etdirməyi hədəfləyir.
Somali 15 dekabr 2020-ci ildə qonşusu Keniya ilə bütün diplomatik əlaqələri kəsdi və onu daxili işlərinə qarışmaqda və ərazi bütövlüyünü pozmaqda ittiham etdi.
İki ölkə arasında münasibətlər Hind okeanında zəngin neft və qaz yataqları bölgəsində dəniz sərhədi mübahisəsindən sonra pisləşib.
Moqadişu hökuməti Keniyanı Somalinin bəzi əyalətlərində siyasi işlərə qarışmaqda ittiham edib.
Somali və Keniya uzun müddətdir yaşadıqları siyasi və diplomatik böhranları geridə qoyaraq, 2022-ci ilin iyulunda münasibətləri bərpa etmək qərarına gəliblər.
Mənbə: TRThaber