Yanvar ayında Azərbaycandakı magistral təbii qaz kəmərləri ilə 4 milyard 177,9 milyon kubmetr təbii qaz nəql edilib və əvvəlki ilin eyni ayına nisbətən 13,7 faiz artım müşahidə olunub.
Dövlət Statistika Komitəsindən əldə etdiyimiz məlumata görə, yanvarda qaz nəqlinin 45,4 faizi Bakı-Tbilisi-Ərzurum (Cənubi Qafqaz Boru Kəməri – CQBK) boru kəməri vasitəsilə həyata keçirilib və bu kəmərlə 1 milyard 895,1 milyon kubmetr təbii qaz ixrac edilib.