Hadisə saat 04 radələrində paytaxtın Nizami rayonu, “Nazlı” şadlıq sarayının yaxınlığında qeydə alınıb.
Belə ki, 38 yaşlı Alim Mehdiyev Zaur adlı şəxslə mübahisə edib. Daha sonra Zaur ona bir neçə bıçaq xəsarəti yetirib.
Hadisəylə bağlı Daxili İşlər Nazirliyinin (DİN) mətbuat xidmətinin əməkdaşı Nurlan Əliyevlə əlaqə saxladıq. O, Bugun.tv-yə bildirdi ki, əməli törətməkdə şübhəli bilinən şəxsin tutulması barədə tədbirlər görülür.
Faktla bağlı Nizami Rayon Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanılıb, istintaq aparılır.