İsmayıllı rayonu ərazisində yerləşən Basqal qəsəbəsində iki il bundan öncə yenilənən asfalt yolda çatlar əmələ gəlib.
Bugun.tv xəbər verir ki, bununla bağlı görüntülər sosial şəbəkələrdə yayılıb.
Belə ki, sözügedən avtomobil yolunda irili-xırdalı çatlar əmələ gəlib. Bu da nəqliyyat vasitələrinin hərəkətinə qismən problem yaradır və çatlar dərinləşməkdə davam edir.
Məsələ ilə bağlı Azərbaycan Avtomobil Yolları Dövlət Agentliyindən bildirilib ki, sözügedən yol 2021-ci ildə yenidən qurulub:
“Layihənin uzunluğu 25 kilometrdir. Yol üzərində cəmi bir-neçə nöqtədə sürüşmə əraziləri mövcuddur. Həmin ərazilər agentliyin əməkdaşları tərəfindən nəzarət altında saxlanılır, qabaqlayıcı tədbirlər görülür. Gediş-gəlişdə hər-hansı bir problem yaşanmır. Hava şəraitinə görə yaxın müddət ərzində həmin nöqtələrdə təmir işləri aparılacaq”.