Cənubi Afrikanın Gauteng əyalətində bank hesabı açmaq istəyən şəxs saxladığı bayquşunu girov kimi istifadə etmək istəyib.
“Times Live” saytının məlumatına görə, Gauteng əyalətinin Westonaria rayonundakı bank filialında hesab açmaq istəyən şəxsin tələbi işçiləri təəccübləndirib.
Bank hesabı açmaq istəyən adı açıqlanmayan müştəri hesabın açılması üçün pul əvəzinə bayquşunu verməyə çalışıb.
Tələbdən təəccüblənən bank işçiləri müştərinin tələbini rədd edərək, yalnız qanuni ödəniş üsullarını qəbul edə biləcəklərini bildiriblər.
Bank rəsmiləri bildiriblər ki, bu hadisədən sonra onlar Bayquş Xilasetmə Mərkəzinə xəbər verib və bayquşu sahibindən alıblar.
Mənbə: TrtHaber