Bugun.tv xəbər verir ki,Biləsuvar şəhəri ərazisində yerləşən yaşayış evlərinin birindən məişət əşyaları oğurlanıb. DİN-in Mətbuat Xidmətinin verdiyi məlumata görə əməliyyat-axtarış tədbirləri keçirilib. Həmin əməli törətməkdə şübhəli bilinən rayon sakini T.Şatanov və bir nəfər yeniyetmə müəyyən edilərək saxlanılıb. Araşdırmalarla saxlanılan şəxslərin müxtəlif vaxtlarda rayon ərazisindəki daha 2 yaşayış evindən də oğurluq etdikləri müəyyən edilib. Oğurlanan əşyalar onların gizlətdiyi yerdən aşkarlanaraq maddi sübut kimi götürülüb. Faktlarla bağlı araşdırma aparılır.
Müxbir: İntizar Əmirova