Bir çox mayonez növünün tərkibində 55%-ə qədər yağ var və 100 qram üçün təxminən 600-700 kilokalori enerji dəyəri var, buna görə də bu məhsulun müntəzəm istehlakı artıq çəkiyə və piylənməyə səbəb ola bilər.
Dövlət Təhsil Universitetinin Təbiət Elmləri Fakültəsinin dekan müavini İrina Lyalina Lenta.ru-ya verdiyi müsahibədə bu barədə danışıb.
Onun sözlərinə görə, kommersiya mayonezində tez-tez ürək-damar sağlamlığını pisləşdirən və “pis” xolesterol səviyyəsini artıran doymuş və trans yağlar olur.
Bundan əlavə, bu məhsula tez-tez qoruyucu maddələr, rəngləndiricilər və dad gücləndiriciləri əlavə olunur ki, bu da müntəzəm istifadə ilə allergik reaksiyalara, mədə qıcıqlanmasına və digər sağlamlıq problemlərinə səbəb ola bilər.
“Mayonezdəki həddindən artıq duz və şəkər yüksək təzyiqə və metabolik pozğunluqlara səbəb ola bilər. Mayonez 10-12 yaşdan kiçik uşaqlar üçün çox zərərlidir, çünki onların həzm fermentlərinin hamısı hələ bu məhsuldakı yağları, trans yağları və şəkərləri həzm etməyə hazır deyil”, – deyə Lyalina bildirib.
Mütəxəssis vurğulayıb ki, mayonezin yüksək yağ, kalori və qatqı tərkibinə görə sağlamlıq risklərini minimuma endirmək üçün mülayim şəkildə istehlak edilməlidir.
Mənbə: mail.ru