Xarici KİV-nin verdiyi xəbərə görə, dünyanın bir çox ölkələrində yağan qar səngimir.
ABŞ-ın çox hissəsini əhatə edən ölümcül qış fırtınası, əsasən də Nyu-Yorkun qərbində həyatı iflic edib.
Kütləvi fırtına Birləşmiş Ştatlarda ən azı 34 nəfərin ölümünə səbəb olub və bəzi sakinləri evlərin içərisində sıxışdırıb. On minlərlə ev və iş yerlərində elektrik enerjisi kəsilməsi daha çox insanın ölməsinə səbəb olub. Buffalo Niaqara Beynəlxalq Hava Limanında isə qarın ümumi qalınlığının 43 düym (109 santimetr) olduğunu söylənilib. Səlahiyyətlilər hava limanının çərşənbə axşamı səhərə qədər bağlı qalacağını deyib.
Dünyada eyni mənzərə Yaponiyada da görsənib. Belə ki, Yaponiyanın geniş ərazilərində yağan güclü qar 17 nəfərin ölümünə, 90-dan çox insanın yaralanmasına və yüzlərlə evin elektriksiz qalmasına səbəb olub.
Mənbə:apnews