İran paytaxtı Tehranda ABŞ və İsrail ilə əldə edilən iki həftəlik atəşkəs qərarı cəmiyyət tərəfindən fərqli reaksiyalarla qarşılanıb.
Şəhərin mərkəzi nöqtələrindən biri olan Ənqelab meydanında toplaşan insanlar arasında mübahisələr və müzakirələr baş verib. Sosial şəbəkələrdə yayılan görüntülərdə bəzi şəxslərin İran bayraqları ilə çıxış etdiyi, digərlərinin isə atəşkəs qərarına etiraz etdiyi müşahidə olunub.
Yerlı sakinlərdən biri bildirib ki, “insanlar hələ də şokdadır və nə baş verəcəyini anlamırlar”. Onun sözlərinə görə, cəmiyyətdə yorğunluq, ehtiyatlı nikbinlik və inamsızlıq hissləri eyni anda müşahidə olunur.
Məlumata görə, bir çox iranlı ABŞ-a etibar etmədiyini açıq şəkildə ifadə edir və atəşkəsin uzunmüddətli olub-olmayacağına şübhə ilə yanaşır.
Eyni zamanda, bəzi qruplar küçələrdə şüarlar səsləndirərək ABŞ və İsrail əleyhinə aksiyalar keçirib. Digər tərəfdən, şəhərin bəzi hissələrində həyat tədricən normallaşmağa başlayıb – mağazalar açılıb, insanlar gündəlik həyatlarına qayıdır.
Analitiklər qeyd edir ki, atəşkəs qısa müddətli rahatlıq yaratsa da, İran cəmiyyətində ümumi əhval-ruhiyyə qeyri-müəyyən olaraq qalır və gələcək proseslər böyük ölçüdə danışıqların nəticəsindən asılı olacaq.
Mənbə: The Guardian