Bugun.tv xəbər verir ki, Şişlidə bir iş mərkəzinin çöl hissəsində baş verən yanğın yanğınsöndürənlər tərəfindən söndürülüb.
TRT Haber-in məlumatına görə, Fulya səmtində, Büyükdere küçəsində, 20-25-ci mərtəbələr arasında yerləşən biznes mərkəzinin çöl hissəsindəki havalandırma otağında yanğın baş verib. Yanğın çöl tərəfi bürüdüyündən xəbərdar edilərək hadisə yerinə xilasetmə, sağlamlıq və polis qrupları sövq edilib. Yanğınsöndürənlər müdaxilə edib və yanğın söndürülüb. Komandaların soyutma işlərini davam etdirdiyi 20 və 25-ci mərtəbələrin boş olduğu və hələ istifadəyə açılmadığı öyrənilib. Yanğın nəticəsində binanın çöl hissəsinə ziyan dəyib.