Birləşmiş Millətlər Təşkilatının Baş Assambleyasında qeyri-yoluxucu xəstəliklər və psixi sağlamlıqla mübarizəyə dair yeni qlobal siyasi bəyannamə qəbul olunub. Sənəd dünya ölkələrinin bu sahələrdə artan problemlərə qarşı birgə və koordinasiyalı addımlar atmasını nəzərdə tutur.
Bəyannamədə ürək-damar xəstəlikləri, xərçəng, diabet və tənəffüs xəstəlikləri ilə yanaşı, psixi sağlamlığın da qlobal səhiyyə gündəliyinin əsas prioritetlərindən biri olduğu vurğulanır. Üzv dövlətlərə profilaktika, erkən diaqnostika və əlçatan müalicə mexanizmlərinin gücləndirilməsi tövsiyə olunur.
Sənədə əsasən, məqsəd 2030-cu ilə qədər bu xəstəliklərdən vaxtsız ölümlərin azaldılması və psixi sağlamlıq xidmətlərinə çıxışın genişləndirilməsidir. BMT rəsmiləri bildiriblər ki, bu bəyannamə sağlamlıq sahəsində ilk dəfə olaraq fiziki və psixi xəstəlikləri vahid qlobal yanaşma çərçivəsində birləşdirir.
Mənbə: