26 C
Baku
19 İyul 2024, 0:29
Dünya

BMT: Qəzzada yarım milyon insan “fəlakətli” aclıqla üzləşib

Birləşmiş Millətlər Təşkilatı (BMT) İsrailin hücumları altında olan Qəzzada təxminən yarım milyon insanın “fəlakətli” aclıqla üzləşdiyini açıqlayıb.

BMT-nin rəsmi X hesabında edilən paylaşımda İsrailin hücumları altında Qəzzada yaşanan ərzaq böhranına diqqət çəkilib.

Təxminən yarım milyon Qəzzalı “fəlakətli” aclıqla üzləşdiyi bildirilən yazıda ailələrin qidaya çıxışı məhdud olduğu üçün çox vaxt ehtiyac duyduqları ərzaq yardımını ala bilmədikləri vurğulanıb.

Yazıda BMT-nin Ümumdünya Ərzaq Proqramının (ÜƏP) bu sahədə fəaliyyətini davam etdirdiyi bildirilib və Qəzzada ərzaq və yardıma daha etibarlı çıxışın zəruriliyi vurğulanıb.

Bundan əlavə, BMT-nin postu altında Qəzzadakı ərzaq böhranı ilə bağlı məlumat verən video da paylaşılıb.

BMT-nin videosunda Qəzza xalqının məruz qaldıqları aclıq və qorxudan tükəndiyi, həmçinin 8 aydan çox hücumlar səbəbiylə davamlı olaraq yerlərini dəyişmək məcburiyyətində qaldıqları ifadə edilib.

Videoda o da bildirilib ki, səhiyyə sisteminin çökməsi, kifayət qədər sığınacaq mərkəzlərinin olmaması, müxtəlif məhdudiyyətlər insanların həyatını çətinləşdirir və yerlərdə humanitar əməliyyatların aparılmasına mane olur.

WFP-nin tədarük zəncirindən məsul bölgə rəsmisi Amjad Ayesh videoda qeyd etdi ki, bütün çətinliklərə baxmayaraq, ÜƏP quru, hava və dəniz yolu ilə Qəzzaya 120 min tondan çox ərzaq çatdırmağı bacarıb.

WFP-nin Qəzzada aşxanaların sayını 5-dən 100-ə çatdırdığını bildirən səlahiyyətlilər, tərəfdaş təşkilatlarla birlikdə Qəzzada insanlar üçün yemək hazırladıqlarını bildiriblər.

Videoda bütün bu yardımların 2 milyon qəzzalının ehtiyacını ödəyə bilmədiyi vurğulanıb və atəşkəs və humanitar yardım çağırışı edilib.

İsrail ordusu oktyabrın 7-dən bu yana Qəzzada əksəriyyəti qadın və uşaq olmaqla 38 min 345 fələstinlini öldürüb, hədəfindən asılı olmayaraq 88 min 295 nəfəri yaralayıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

Mənbə: TrtHaber

Aynur Camal

Oxşar xəbərlər

YouTube-un bloklanmasının tarixi açıqlanıb

İntizar Əmirova

Fransanın Ankaradakı səfiri Türkiyə XİN-ə çağırıldı

Nigar Məmmədova

Instagram Twitter-ə rəqib gəldi

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu