Dünya

BMT Zelenskini legitim prezident hesab etməyə davam edəcək

BMT-nin nəzərində Vladimir Zelenski səlahiyyətlərinin başa çatmasına baxmayaraq, Ukrayna prezidenti olaraq qalır. Bu barədə təşkilat rəhbərinin rəsmi nümayəndəsi Stefan Düjarrik mətbuat konfransı zamanı bildirib.

Ukrayna prezidentinin beş illik səlahiyyət müddəti bir gün əvvəl, mayın 20-də başa çatıb. 2019-cu ilin bu günündə o, dövlət başçısı vəzifəsinin icrasına başlayıb. Ukraynada prezident seçkiləri martın 31-də keçirilməli idi, lakin ölkədə hərbi vəziyyət hökm sürür.

“Prezident Zelenski bizim üçün Ukraynanın dövlət başçısı və baş katibin Ukrayna lideri ilə əlaqə saxlaması lazım olan zaman ünsiyyət qurduğu şəxs olaraq qalır”, – deyə Dujarrik bildirib.

Ukraynada hərbi vəziyyət Rusiya hərbi əməliyyatının başlaması ilə 2022-ci ilin fevral ayının sonunda tətbiq edilib və hər üç aydan bir yenilənir. Sonuncu dəfə bu, mayın 9-da, Zelenski Ali Radanın müvafiq qanun layihəsini imzalayanda baş verib. Beləliklə, Ukraynada hərbi vəziyyət avqustun 11-dək qüvvədədir.

Zelenskinin səlahiyyətlərinin başa çatmasına on gün qalmış Ukrayna Ədliyyə Nazirliyinin rəhbəri Denis Malyuska BBC Ukrayna Xidmətinə müsahibəsində deyib ki, prezident mayın 20-dən sonra legitimliyini itirməyəcək. Nazir Ali Rada sədrinin tezisini təkrarlayıb ki, hazırkı dövlət başçısının səlahiyyətləri növbəti prezident seçilənə qədər davam edir.

Rusiya prezidenti Vladimir Putin öz növbəsində qeyd edib ki, Konstitusiya Məhkəməsi və Ukraynanın “bütün siyasi sistemi” Zelenskinin legitimliyinə qiymət verməlidir. Rusiya lideri qeyd edib ki, ölkənin Əsas Qanununda “hər cür variantlar var”.

Onun sözlərinə görə, Rusiya üçün sənədlərin mümkün imzalanması fonunda Zelenskinin legitimliyi “əlbəttə vacibdir”.

Mənbə: Rtvi.News

Aynur Camal

Oxşar xəbərlər

ABŞ İraqda silahlı qruplaşmanın mövqelərinə zərbə endirdi

Kəmalə Sultan

Şimali Koreya özünün şərq sahillərindən – Yonhap-dan bir neçə qanadlı raket atdı

Kəmalə Sultan

Fransa 2023-cü ildə 4,5 mindən çox əcnəbini ölkədən çıxardı

Teymur Əziz

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu