Boliviyanın hüquq-mühafizə orqanları ölkə tarixində ən böyük miqdarda – 8,7 ton kokaini müsadirə edib.
Bugun.tv xəbər verir ki, bu barədə Boliviya Prezidenti Luis Arse “X” sosial şəbəkə hesabında məlumat verib.
“Biz Boliviya xalqına və beynəlxalq ictimaiyyətə bildiririk ki, Niderlanda göndəriləcək 8,7 ton kokaini müsadirə etdik”, – deyə dövlət başçısı yazıb. Onun qeyd etdiyinə görə, bu, Boliviya tarixində ən böyük narkotik müsadirəsidir.