Hollandiyanın Rotterdam şəhərində bomba panikası yaşanıb. Binanın 8 metr altından İkinci Dünya Müharibəsindən qalma partlamamış bomba tapılıb. İngiltərə, Almaniya və Polşa kimi ölkələrdə meydana gələn bomba panikası bu dəfə Hollandiyada çaşqınlıq yaradıb. Rotterdamın Claes de Vrieselaan rayonunda binanın 8 metr altından İkinci Dünya Müharibəsi dövrünə aid bomba aşkar edilib.
Bombanın partlamaması böyük qorxuya səbəb olub. Bölgədə ciddi təhlükəsizlik tədbirləri görülüb. 1100 nəfər evlərindən təxliyə edilib.
Ərazi sakinləri təxliyyə edildikdən sonra Müdafiə Partlayıcı Sursatların Zərərsizləşdirilməsi Xidməti bombanı zərərsizləşdirib və oradan çıxarma işlərini həyata keçirib.
Mənbə: TGRT