Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell, İsrail ordusunun Qəzza zolağının şimalında Cibaliya bölgəsini hədəf alan və çox sayda mülki şəxsin ölümünə səbəb olan hücumunu şiddətlə qınadığını bildirib. Borrell X hesabında İsrail ordusunun Cibaliya bölgəsinə hücumu ilə bağlı paylaşım edib.
Çox sayda mülki şəxsin həyatını itirdiyi hücumu şiddətlə qınadığını bildirən Borrell, “Qəzzanın şimalında baş verənləri ifadə etmək üçün getdikcə “etnik təmizləmə” sözü istifadə olunur” deyib.
Borrell, Qəzzanın şimalında mülki əhalinin məcburi köçkünləşdirilməsinin və “gündəlik reallığa” çevrilən “aclığın silah olaraq istifadə edilməsinin” beynəlxalq hüququ pozduğunu ifadə edərək, bu bölgədə aclığın yayılması riskinə işarə edib.
Bölgədəki humanitar fəlakətin qarşısı alınmalı olduğunu bildirən Borrel, “işğalçı güc” olan İsrailin yardımların keçməsinə icazə vermək öhdəliyi olduğunu xatırladıb.
Borrell beynəlxalq ictimaiyyətin ən qısa zamanda hərəkətə keçməli olduğunu vurğulayaraq mesajını paylaşıb: “Beynəlxalq ictimaiyyət və İsrailin əsas müttəfiqləri də fələstinlilərin iztirablarına son qoymaq və əsirləri xilas etmək üçün təcili tədbirlər görməlidirlər”.
Mənbə: TrtHaber