Bugun.tv – xəbər verir ki, Nizami Kino Mərkəzində Azərbaycanın kino mühitində ilk dəfə olaraq tam yaradıcı və texniki heyəti tələbələrdən ibarət olan tammetrajlı “Boş Yer” adlı bədii filmin təqdimatı keçirilib.
Bu barədə Millət vəkili Ceyhun Məmmədov öz sosial media hesabında paylaşım edib.
O, bildirib ki, Film Mədəniyyət və Sənətkarlıq üzrə Bakı Dövlət Peşə Təhsil Mərkəzində istehsal olunub. Rejissoru Mərkəzin müəllimi, Azərbaycan Kinematoqrafçılar İttifaqının üzvü, istedadlı kinorejissor Rəhman Fürqətoğludur. Layihə peşə təhsilinin praktik nəticələrinin, gənclərin yaradıcılıq bacarıqlarının və müstəqil şəkildə böyük işlər görmək potensialının parlaq nümunəsidir.
“Boş Yer” filmi həm məzmunu, həm də istehsal prosesi ilə gənclərin əzminin, yaradıcılığının və milli kino sənətinə olan sevginin təcəssümüdür. Gənclərin bu kimi təşəbbüsləri ölkəmizdə yaradıcılıq ixtisaslarının inkişafına və yeni nəsil kino mütəxəssislərinin formalaşmasına mühüm töhfə verir.
Filmin yaradıcı kollektivini səmimi qəlbdən təbrik edir, gələcək layihələrində daha böyük uğurlar arzulayıram.
