Bugun.tv xəbər verir ki, Böyük Britaniya hökuməti İranın İnqilab Keşikçiləri Korpusunu (SEPAH) milli təhlükəsizlik üçün təhdid hesab edərək ona qarşı yeni məhdudiyyətlər tətbiq edib. Hökumət həmçinin İranın dəstəklədiyi bildirilən “İslam Sağ Əl Yoldaşları Hərəkatı” (IMCR) təşkilatını qadağan olunmuş qurumlar siyahısına daxil edib.
Britaniyanın Təhlükəsizlik naziri Angela İql bildirib ki, IMCR son aylarda Londonda sinaqoqlara, yəhudi xeyriyyə təşkilatlarına və İran hökumətini tənqid edən farsdilli media qurumlarına qarşı yeddi hücumun məsuliyyətini üzərinə götürüb. Hökumətin məlumatına görə, bu hücumlar İranın İnqilab Keşikçiləri Korpusunun “Qüds” qüvvələri tərəfindən istiqamətləndirilib.
Yeni qanuna əsasən, parlament qərarı təsdiqlədikdən sonra həmin təşkilatlar adından təxribat və ya sabotaj fəaliyyəti həyata keçirən şəxslər ömürlük azadlıqdan məhrum edilə bilərlər.
Böyük Britaniya eyni zamanda Rusiyanın hərbi kəşfiyyat xidməti GRU ilə əlaqəli olduğu bildirilən GRU Könüllülər Korpusunu da milli təhlükəsizlik üçün təhdid elan edib. Baş nazir Kir Starmer bildirib ki, yeni tədbirlər xarici dövlətlərin sifarişi ilə fəaliyyət göstərən şəxslərin aşkarlanması və məsuliyyətə cəlb olunmasını asanlaşdıracaq.
Mənbə: SeattleTimes