Bugun.tv xəbər verir ki, İngiltərənin Dəniz Ticarət Əməliyyatları İdarəsi (UKMTO) Yəmənin Ədən limanından 70 dəniz mili uzaqlıqda gəmiyə hücum edildiyini bildirib. Bu barədə rəhbərliyin saytında məlumat verilib.
“UKMTO Yəmənin Aden şəhərindən 70 dəniz mili cənub-şərqində insident barədə məlumat alıb. Səlahiyyətlilər araşdırma aparır”, – bildirilib.
Təşkilat gəmilərə ərazidə ehtiyatlı davranmağı və hər hansı şübhəli fəaliyyət barədə məlumat verməyi tövsiyə edib.
Bundan əvvəl ABŞ Mərkəzi Komandanlığı (CENTCOM) husi üsyançılarının Yəmənə humanitar yardım aparan “Sea Champion” gəmisinə iki raket atdığını bildirib. Qeyd olunub ki, yəmənli üsyançılar iki gəmi əleyhinə ballistik raket atıb. Onlardan biri gəminin yaxınlığında partlayıb.
Müxbir Qaytən Qasımzadə
Mənbə lenta.ru