İngiltərədə tək bir ağcaqanad sancması ölümə səbəb oldu. 31 yaşlı Endryu Keyn sancıldıqdan cəmi bir neçə həftə sonra öldü.
İngiltərədə yaşayan 31 yaşlı fermer Endryu Keyn milçək tərəfindən dişləndiyini anlayıb, amma buna məhəl qoymayıb. Zamanla dişləmə yarası yaraya çevrilib. Keyn qolundakı qızartı və qaşınma ilə bağlı həkimə müraciət etdikdə, ona antibiotiklər təyin edilib.
Antibiotiklər təsirli görünsə də, Keyn dostları ilə əylənərkən huşunu itirib. Təcili xəstəxanaya aparılıb və ona sepsis (qan zəhərlənməsi) diaqnozu qoyulub.
O, beş həftə sepsislə mübarizə aparıb və Nyukasldakı Freeman Xəstəxanasına köçürülüb. Orada süni komaya yerləşdirilən oğlan ilk öncə sağalma əlamətləri göstərib. Lakin infeksiya yenidən yayılmağa başlayıb. Keynin orqanları bir-bir sıradan çıxıb və o, ölüb.
“HƏR ŞEY ÇOX SÜRƏTLƏ BAŞ VERDİ”
Dailymail-in məlumatına görə, anası Reyçel Keyn oğlunun müalicəsi boyunca onun yanından heç vaxt ayrılmayıb. Dəfn mərasimindən əvvəl yerli mediaya danışan anası belə deyib:
“O, çox güclü uşaq idi… Heç vaxt ağcaqanad sancmasının bunu edə biləcəyini düşünməzdim. Hər şey çox tez baş verdi. Mən onunla sona qədər birlikdə oldum. Buna, hələ də inana bilmirəm, sanki pis bir yuxudur…”
Mənbə: Tgrthaber