2011-ci ildə 9 ballıq zəlzələ və sunamidən sonra nüvə fəlakətinə səhnə olan Yaponiya hökuməti yeni hesabat dərc edib. Nəşr edilən hesabatda Sakit Okean sahillərindəki Nankay çuxurunda baş verə biləcək 9 bal gücündə zəlzələnin 298 min insanın ölümünə səbəb ola biləcəyi bildirilir.
2011-ci ildə 9 ballıq zəlzələ və sunamidən sonra nüvə fəlakətinə səhnə olan Yaponiyada mütəxəssislərin hazırladığı hesabatda yeni “meqa zəlzələ”nin daha böyük dağıntılara səbəb ola biləcəyi ortaya çıxıb.
Yaponiya Nazirlər Kabinetinin yaydığı hesabatda Sakit Okean sahillərində Nankai çökəkliyində 9 bal gücündə zəlzələnin baş verə biləcəyi xatırladılıb və bunun hündürlüyü 10-30 metr arasında dəyişən sunami dalğalarına səbəb ola biləcəyi barədə xəbərdarlıq edilib.
Zəlzələnin qışda və gecə vaxtı baş verəcəyi təqdirdə ölənlərin sayının 298 minə çata biləcəyi bildirilib və ölənlərin əksəriyyətinin sunami səbəbindən baş verəcəyi vurğulanıb. Belə bir ssenari 2,35 milyon binanın dağıdılması və ölkə əhalisinin təxminən 1 faizinə bərabər olan 1,23 milyon insanın təxliyəsi ilə nəticələnə və 270,3 trilyon yen (təxminən 1,81 trilyon dollar) iqtisadi ziyana səbəb ola bilər.
30 İLDƏ BÖYÜK ZƏLZƏLƏ GÖZLƏNİR
Dünyanın ən seysmik ölkələrindən biri olan Yaponiyanın Sakit Okean sahillərində yerləşən Nankai çuxurunda 8-9 bal gücündə zəlzələnin yaxın 80 il ərzində baş vermə ehtimalının təxminən 80 faiz olduğu məlumdur. Belə bir “meqa zəlzələ”nin böyük dağıntılara səbəb ola biləcəyi ilə bağlı narahatlıqlar olsa da, mütəxəssislər ehtiyat tədbirlərinin can və mal itkisini azalda biləcəyini bildirirlər.
Mənbə: Ahaber