Braziliyanın Minas Gerais əyalətində 23 fevraldan bəri davam edən güclü yağışlar səbəbindən baş verən sellərdə ölənlərin sayı 46-ya çatıb.
Yerli Yanğın Xidmətindən verilən məlumata görə, Juiz de Fora və Uba şəhərlərində selin təsirindən sonra axtarış-xilasetmə əməliyyatları davam edir. Eyni zamanda 21 nəfərin itkin olduğu bildirilir.
Juiz de Fora şəhərində yaşayan 3 600 nəfər yüksək risk səbəbindən evlərini tərk etməyə məcbur olub. Meteoroloji proqnozlara görə, yağışların bir neçə gün daha davam edəcəyi gözlənilir və yerli hakimiyyət vətəndaşları ehtiyatlı olmağa çağırır.
Minas Gerais valisi Romeu Zema açıqlamasında, prioritetin seldən zərər görənlərə humanitar yardımın çatdırılması olduğunu və bölgənin bərpası üçün mərkəzi hökumətlə əməkdaşlığa hazır olduqlarını bildirib.
Braziliya Prezidenti Luiz Inacio Lula da Silva idarəsi sel səbəbindən evsiz qalanlar üçün yeni yardım paketlərinin bələdiyyələrə yönləndiriləcəyini açıqlayıb. Səlahiyyətlilər vətəndaşları təhlükəsizliyə önəm verməyə və xəbərdarlıqlara əməl etməyə çağırır.
Mənbə: İLKHA