Bugun.tv xəbər verir ki, ötən gün 83,45 dollar olan Brent markalı neftin bir barelinin qiyməti bu gün saat 09:49-da 0,40 faiz artaraq 83,78 dollara çatıb. Eyni zamanda, West Texas Intermediate (WTI) xam neftinin bir bareli 79,62 dollardan alıcı tapıb.
Neftin qiymətinin artmasına dünyanın ən böyük neft istehlakçısı ABŞ-da tələbin olduğunu göstərən məlumatlar və dolların ucuzlaşması səbəb olub.
ABŞ Enerji İnformasiya İdarəsi ölkədəki kommersiya xam neft ehtiyatlarının keçən həftə təxminən 6 milyon barrel azalaraq 439 milyon 700 min barrelə düşdüyünü açıqladı. Sözügedən dövrdə ABŞ-ın benzin ehtiyatları 300 min barrel azalaraq 216 milyon 200 min barel olub.
Müxbir: İntizar Əmirova
